Búgin Qaraǵandy qalasynyń Qazybek bı atyndaǵy aýdanynyń soty Alıka Muhamadıevaǵa qatysty aıyptaý úkimin shyǵardy, dep habarlaıdy bairaqmedia.kz Bas prokýratýraǵa silteme jasap.
Sot Alıka Muhamadıevaǵa Qylmystyq kodekstiń 174-baby 1-bóligi boıynsha bas bostandyǵynan aıyrý jazasyn taǵaıyndaǵan.
Osy úkimge saı oǵan Qylmystyq kodekstiń 74-baby aıasynda jazany oryndaýdy keıinge qaldyrý sharasy taǵaıyndaldy.
Keıinge qaldyrý sharasyn qoldanýǵa onyń 2 jasar balasy bary negiz boldy.
"2025 jylǵy 16 qyrkúıekten bastap Qylmystyq zańǵa 5 jyldan astam bas bostandyǵynan aıyrý jazasy taǵaıyndalatyn jekelegen qylmystardy qospaǵanda, jas balalary bar áıelder úshin jazany óteýdi keıinge qaldyrýdy mindetti túrde qoldanýdy kózdeıtin ózgerister engizilgendikten, búgingi kúni jazany keıinge qaldyrý mindetti norma bolyp tabylatynyna nazarlaryńyzdy aýdaramyz", - dep qosty sot ókilderi.
Qaraǵandy oblystyq sotynyń resmı Telegram arnasynda habarlanǵandaı, 2025 jyly jazda Alıka Muhamadıeva Threads-te (saraptama qorytyndysyna sáıkes) dinı jáne ulttyq arazdyqty týdyrýǵa baǵyttalǵan málimdemeler jasaǵany anyqtaldy.
Sottalýshy óz kinásin moıyndap, saraptamalyq qorytyndylar men basqa da is materıaldary arqyly onyń kináli ekeni dáleldendi.
Sot ony Qylmystyq kodekstiń 174-baby 1-bóligi boıynsha kináli dep tanyp, úsh jyl alty aıǵa bas bostandyǵynan aıyrýǵa jáne jazany júzege asyrýdy eki jylǵa keıinge shegerýge úkim shyǵardy.
