Rım Papasy Fransısk 88 jasqa qaraǵan shaǵynda qaıtys boldy, dep habarlaıdy Bairaqmedia.kz.
VaticanNews aqparatyna sáıkes, Rım Papasy búgin Vatıkandaǵy Kasa-Santa-Marta rezıdensıasynda kóz jumǵan.
Pontıfık Fransısk 1936 jyly 17 jeltoqsanda Argentınada dúnıege kelgen. Ol 2013 jyly 13 naýryzda Rım papasy atandy. Saılanǵanǵa deıin 1998-2013 jyldary Argentınanyń prımasy jáne Býenos-Aırestiń arhıepıskopy boldy.
Aqparatqa sáıkes, ol keshe Pasqa jeksenbisinde dástúrli batasyn berý úshin Vatıkandaǵy Áýlıe Petr alańyna jınalǵan senýshilerdiń aldyna shyqqan.
Eske sala ketsek, 14 aqpanda Papa Fransısk aýyr bronhıtke baılanysty Rımdegi Djemellı aýrýhanasyna jatqyzylǵan bolatyn. Ol 23 naýryzda 38 kúndik emnen keıin ekijaqty pnevmonıa dıagnozymen aýrýhanadan shyqty.
