Qostanaıda er adam ózin kólikte órtep jiberdi, dep habarlaıdy Bairaqmedia.kz.
Áleýmettik jelide kólikte otyrǵan er adamnyń óz ústine benzın quıyp, órtep jibergeni beınelengen jazba tarady.
Kýágerlerdiń aıtýynsha, ol kóliginiń júk salǵyshynan kanıstrdi alyp, ózin janarmaımen quıyp, kólik salonynda ózin órtegen. Keıin órt sharpyǵan kúıde kólikten atyp shyǵyp, jaqyn mańdaǵy jerge qulaǵan. Sol jerde oǵan kezdeısoq ótip bara jatqan adamdar kómek kórsetip, otty sóndirgen.
Er adam tiri qaldy. Onyń kúıik dárejesi men jaǵdaıy naqtylanyp jatyr.
Qostanaı oblystyq polısıa departamenti bul oqıǵa boıynsha sotqa deıingi tergeý bastalǵanyn habarlady. Qazir bolǵan oqıǵanyń mán-jaıy anyqtalyp jatyr.
