Qazaqstannyń fýtbol federasıasy (FFK) men birqatar fýtbol klýbtaryna júrgizilgen prokýrorlyq tekserý nátıjesinde basqarýdaǵy tıimsizdik pen 3 mlrd teńge kóleminde qarjylyq buzýshylyqtar anyqtaldy, dep habarlaıdy Bairaqmedia.kz.

Negizgi zańbuzýshylyqtar:

🔹 300 mln teńge negizsiz syıaqy — keıbir qyzmetkerler men sportshylarǵa negizsiz tólemder jasalǵan;
🔹 350 mln teńge «jelge ushty» — Talǵardaǵy jattyǵý bazasy men ákimshilik ǵımarattyń qurylysyna bólingen qarjy maqsatsyz jumsalǵan;
🔹 135 mln teńge qujattarǵa jumsaldy, biraq nátıje joq — fýtboldy damytý strategıalary tıimsiz ázirlengen;
🔹 Fýtbol klýbtaryndaǵy kúmándi kelisimsharttar — oıynshylardy tómen baǵamen satý, joǵary baǵamen satyp alý jáne qarajat jymqyrý faktileri anyqtaldy.

«Ordabasy», «Aqtóbe» jáne «Jetisý» fýtbol klýbtaryndaǵy tekserýler kezinde de kelisimshart somalaryn asyryp kórsetý, oıynshylardy satýdaǵy kúmándi sqemalar men qarajatty jymqyrý faktileri belgili boldy, – delingen prokýratýra habarlamasynda.

Qarjylyq monıtorıń agenttigi bul ister boıynsha sotqa deıingi tergeý júrgizip jatyr.

Bas prokýratýra fýtbol salasyndaǵy zańdylyq pen ashyqtyqty qamtamasyz etý boıynsha jumystardy jalǵastyratynyn málimdedi.