Golan jotasyna Qazaqstan qarýly kúshteriniń ekinshi legi attandy dep habarlaıdy Bairaqmedia.kz. Olar BUU bitimgerlik mısıasy aıasynda qyzmet etedi.
139 jaýynger búgin Sırıa astanasy Damaskige ushyp ketti. Bitimgerlik kúshterin shyǵaryp salý saltanaty Almatydaǵy Qurlyq áskeri ınstıtýtynda ótti. «Golan jotasynda bitimgerlik kúshterin jiberý álemdik arenada Qazaqstan men onyń Qarýly kúshteriniń bıik mártebesin aıǵaqtaıdy. BUU mandaty aıasynda júktelgen mindetti abroımen atqarýǵa daıynbyz» dedi Qorǵanys mınıstriniń orynbasary Shaıh-Hasan Jazyqbaev. Jaýyngerler arasynda eki áıel adam bar eken. Sarbazdar qaqtyǵys aımaǵynda qaýipsizdikti baqylaý, blok beketterdi kúzetý, jarylǵyshtardy zalalsyzdandyrý jáne BUU qyzmetkerlerin kúzetý sıaqty qyzmetterdi atqarady. Al bitimgerlik kúshteriniń birinshi legi qyzmetti aıaqtap, elge oraldy.
