Pavlodarda bir top bala 7 jasar balany uryp-soqqan, dep habarlaıdy Bairaqmedia.kz.

Anasynyń aıtýynsha, sotqarlar ulyn áýeli úıdiń kireberisinde soqqyǵa jyqqan. Keıin ony aýladaǵy oıyn alańyna alyp shyǵyp, uryp-soǵýlaryn jalǵastyrǵan. 

Jas shamalary 8-12 jasar aralyǵyndaǵy jasóspirimder aýladaǵy balalarǵa únemi tıisedi. Balaǵattap, ıterip jiberedi, uryp-soǵyp, kemsitedi. Basqa balalardy jabylyp urǵandaryn talaı kórdik. Olardyń ata-analary eshqandaı shara qoldanbaı otyr, – dep jazdy anasy.

Atalǵan vıdeoǵa qatysty Pavlodar oblystyq polısıa departamenti málimdeme jasady.

Kámeletke tolmaǵandar ata-analarymen birge polısıaǵa jetkizilgen. Balalaryn tárbıeleýdegi mindetterin tıisinshe oryndamaǵany úshin zańdy ókilderi ákimshilik jaýapkershilikke tartyldy. İs materıaldary sotqa jiberildi, sot sheshimi boıynsha olar Pavlodar qalasy ákimdiginiń kámeletke tolmaǵandar isi jáne olardyń quqyǵyn qorǵaý komısıasyna joldanady, – delingen polısıa habarlamasynda.