29 jastaǵy qazaqstandyqqa qatysty tergeý aıaqtalyp, is sotqa joldanǵan dep habarlaıdy bairaqmedia.kz jergilikti aqparat quraldaryna silteme jasap. 

Inchhon halyqaralyq áýejaıynyń keden qyzmeti 9 sáýir kúni 29 jastaǵy qazaqstandyq azamatqa qatysty tergeý aıaqtalǵanyn jáne is sotqa joldanǵanyn málimdedi. Ol mefedron esirtki zatyn elge kirgizip, taratpaq bolǵan.

Tergeý deregi boıynsha, esirtki zaty Ýkraınadan poshta arqyly jóneltilgen. Kontrabanda balaýyz shamdardyń ishine jasyryp, plasık paketke oralǵan kúıde jetkizilgen. 61,5 gram mefedron tárkilengen, — dep jazylǵan habarlamada.

Ustalǵan azamat Ońtústik Koreıada zańsyz júrgen, ári tergeýden jaltarý úshin birneshe ret jetkizý mekenjaıyn jáne baılanys derekterin ózgertken kórinedi. Alaıda, keden qyzmetkerleri ony elden ushyp ketýge áreket jasaǵan sátte ustapty.

Tergeý barysynda ustalǵan azamattyń taǵy bir qazaqstandyqpen sóz baılasqany anyqtalǵan. Ol adam elden buryn shyǵyp ketken, qazirgi ýaqytta Qazaqstan aýmaǵynda júr degen boljam bar. Ol 28 jasta jáne naýryz aıynda halyqaralyq izdeýge jarıalandy, — delingen jazbada.

Kúdiktiler Ońtústik Koreıada shetel azamattary kóp shoǵyrlanǵan aýdandarda esirtki taratpaq bolǵan. Olar Telegram jelisi arqyly jetkizýshimen baılanys ornatýdy kózdegen.