Premer-mınıstr Oljas Bektenov Reseı Federasıasy Úkimeti tóraǵasynyń orynbasary – Úkimet apparatynyń basshysy Dmıtrıı Grıgorenkomen kezdesý ótkizdi, dep habarlaıdy Bairaqmedia.kz.

Kezdesý barysynda taraptar sıfrlandyrý, jasandy ıntellekt, ınvestısıalar jáne ınovasıalyq damý baǵyttaryndaǵy ózara is-qımyldy keńeıtý máselelerin talqylady.

«Memleket basshylary deńgeıinde qol jetkizilgen ýaǵdalastyqtardy júzege asyrý – eki eldiń ózara senimdi seriktestigin arttyra tústi. Qazaqstan Prezıdenti Qasym-Jomart Toqaev pen Reseı Prezıdenti Vladımır Pýtın arasyndaǵy turaqty baılanys nátıjesinde ekijaqty qarym-qatynas joǵary qarqynmen damýda» – delingen resmı aqparatta.

2024 jyldyń qorytyndysy boıynsha Qazaqstan men Reseı arasyndaǵy taýar aınalymy shamamen 3%-ǵa ósip, 27,8 mlrd AQSH dollary boldy. Taraptar bul kórsetkishti odan ári ulǵaıtý úshin saýda-ekonomıkalyq jáne ınvestısıalyq yntymaqtastyqtyń zor áleýeti bar ekenin atap ótti.

Kezdesýde jasandy ıntellektini paıdalaný aýqymynyń keńeıip kele jatqany jáne osy saladaǵy ekijaqty áriptestiktiń mańyzdylyǵy erekshe nazarǵa alyndy.

«Jańa tehnologıalardy engizý baǵytynda kúsh-jigerdi biriktirý IT-kásipkerlik pen startaptardy qoldaýǵa, bilikti mamandar daıarlaýǵa jáne aqparattyq qaýipsizdik sharalaryn jetildirýge jol ashady» – dep atap ótti taraptar.

Bıyl Astanada Alem.ai halyqaralyq jasandy ıntellekt ortalyǵynyń ashylýy josparlanyp otyr. Bul bastama qazaqstandyq IT-mamandarǵa jańa múmkindikter ashpaq.

Jumys sapary aıasynda Dmıtrıı Grıgorenko Astana Hub jáne Nazarbayev University tehnoparki sıaqty elimizdiń jetekshi IT-ortalyqtarynyń qyzmetimen tanysady. Atalǵan tehnoparkterde búginde 1600-den astam IT-kompanıa tirkelgen, onyń 425-i – sheteldik kompanıalar.

Bul kezdesý Qazaqstan men Reseı arasyndaǵy ınovasıalyq jáne tehnologıalyq seriktestikti jańa deńgeıge kóterýge septigin tıgizbek.