Ánshi Dımash Qudaıbergenniń ákesi Qanat Aıtbaev áleýmettik jelilerde taraǵan qaýesetterge túsinikteme berdi, dep jazady bairaqmedia.kz.

Onyń aıtýynsha, ulynyń jeke ómirine qatysty jarıalanǵan derekter shyndyqqa sáıkes kelmeıdi.

«Qazirgi zamannyń shóbi jel turmaı-aq qımyldaı beredi. «Ar» men «uıat», «obal» degen uǵymdardy aıaqasty etken, betimen ketken qoǵamda aqsha taýyp, qaralym jınaý úshin oıdan qurastyryp, «jańalyq» jasaıtyn «jýrnalıser» men bloger kóp. Qaı taqyrypta da kóp asa sene bermegen jón. Ere bermegen jón», – dep jazdy Qanat Aıtbaev áleýmettik jelidegi paraqshasynda.

Aıta keteıik, buǵan deıin Dımash Qudaıbergen men Baıan Alagózovanyń qyzy Aıarý Baqytbek jaıly qaýeset taraǵan bolatyn.