Bloger Murat Ábdilda qaıtadan qamaýǵa alyndy, dep habarlaıdy Bairaqmedia.kz.

Saýran aýdandyq polısıa bólimi atyshýly blogerdi merziminen buryn shartty túrde bosatý jazasynyń kúshin joıyp, onyń qalǵan ótelmegen bóligin bas bostandyǵynan aıyrý túrindegi jazaǵa aýystyrýdy suraǵan. Usynym Túrkistan qalasynyń aýdanaralyq sotynda qaraldy.

Aıta ketsek, sot ony 2022 jyly ultaralyq, ulttyq jáne dinı arazdyqty qozdyrǵany úshin 4,5 jylǵa bas bostandyǵynan aıyrý jazasyna kesken bolatyn. Al, 2024 jyly sottyń qaýlysy negizinde shartty túrde merziminen buryn bosatylǵan. Sodan Túrkistan oblysynyń polısıa departametiniń Saýran aýdandyq polısıa bólimine profılaktıkalyq esepke alynǵan.

Profılıaktıkalyq esepte turǵanyna qaramastan, ol 2024 jyly ortaq paıdalaný ornyn lastaǵany úshin ákimshilik jaýapqa tartylyp, oǵan aıyppul salynǵan. Sonymen qatar, 2025 jyldyń aqpan-naýryz aılarynda 5 ret tirkelýge kelmegen jáne 4 ret túngi ýaqytta turǵylyqty mekenjaıynda bolmaǵan.

Sot qaýlysymen Túrkistan oblysy polısıa departamentiniń Saýran aýdandyq polısıa basqarmasynyń usynymy qanaǵattandyryldy. Er adamdy merziminen buryn shartty túrde bosatýdyń kúshi joıylyp, jazanyń qalǵan ótelmegen bóligi 2 jyl 11 kúnin bas bostandyǵynan aıyrý túrindegi jazaǵa aýystyryldy. Er adam sot zalynan qamaýǵa alyndy. Qaýly zańdy kúshine engen joq, – delingen sot habarlamasynda.