Senattyń kýlýarynda Týrızm jáne sport vıse-mınıstri Serik Jarasbaev sport salasyndaǵy dinı radıkalızmmen kúres máselesine qatysty suraqtarǵa jaýap berdi, dep habarlaıdy Bairaqmedia.kz.

Mınıstrlik sporttaǵy dinı radıkalızmmen qalaı kúresedi?

Jýrnalıser sport federasıalaryna terorızm men ekstremızmge qarsy sharalardy mindetteý týraly jol kartasy qabyldanǵanyn eske salyp, onyń qalaı júzege asatynyn surady.

«Sportshylarǵa saqal qoıýǵa, ýaǵyz aıtýǵa tyıym salasyzdar ma?» degen suraqqa vıse-mınıstr basymdyq túsindirý jumystaryna beriletinin aıtty.

Biz eń aldymen profılaktıkalyq, túsindirý jumystaryn júrgizemiz. Oǵan teologtar men din komıtetiniń qyzmetkerleri tartylady. Bul mindet federasıalarǵa da beriledi, – dedi Serik Jarasbaev.

Sportshylardyń syrt kelbetine tyıym salyna ma?

Jýrnalıserdiń syrt kelbetke qatysty naqtylaǵan suraǵyna vıse-mınıstr quzyrly organdarǵa aqparat beriletinin atap ótti.

Eger saqal qoıý nemese sholaq shalbar kıý radıkalızmniń belgisi retinde tanylsa, bul týraly aqparat quqyq qorǵaý organdaryna joldanady, – dep málimdedi.

Mınıstrlik sporttaǵy dinı radıkalızmge qarsy keshendi jumystar júrgizip, aldyn alý sharalaryn kúsheıtýge nıetti.