Bostonda (AQSH) mánerlep syrǵanaýdan álem chempıonatynda qazaqstandyq sportshy Mıhaıl Shaıdorov kúmis medal jeńip alyp, Qazaqstan mánerlep syrǵanaý tarıhynda mańyzdy jetistikke qol jetkizdi, dep habarlaıdy Bairaqmedia.kz. . 

Sportshy senimdi óner kórsetip, qysqa jáne erkin baǵdarlamalarda joǵary deńgeıde syrǵanaýmen kózge tústi. Onyń jalpy upaı sany 287. 47 bolyp, ony álemniń úzdik eki sportshysynyń qataryna qosylýǵa múmkindik berdi.

Aıta ketsek, bul – Qazaqstan mánerlep syrǵanaý tarıhyndaǵy úshinshi medal. Buǵan deıin Denıs Ten álem chempıonatynda 2013 jyly kúmis, al 2015 jyly qola medal ıelengen edi.

Sondaı-aq, bul – Mıhaıl úshin maýsymdaǵy ekinshi iri jeńisi. Buǵan deıin ol tórt qurlyq chempıonatynda top jaryp, 2015 jyly dál osy jarysta jeńiske jetken Denıs Tenniń jetistigin qaıtalaǵan edi.

Endi ol resmı túrde Olımpıada joldamasyna ıe bolyp, Mılanda Qazaqstan namysyn qorǵaıtyn bolady.