Pavlodar oblysynda medısınalyq nysandar salýǵa Arnaýly memlekettik qordan 228 mln teńgeden astam qarjy bólindi, dep habarlaıdy Bairaqmedia.kz.

Qarajat Ekibastuz, Aqsý qalalary aýyldyq okrýgindegi, sondaı-aq Ertis, Jelezın, Tereńkól aýdanyndaǵy jobalardy júzege asyrýǵa baǵyttalady.

Ekibastuz aýyldyq okrýginiń Báıet aýylynda 1983 jyly paıdalanýǵa berilgen jalǵyz FAP ornyna feldsherlik-akýsherlik pýnkt salý josparlanýda. Eski ǵımarat jóndeýge jaramsyz dep tanyldy. Búginde eldi mekende 822 adam turady.

Ertis aýdanynda dárigerlik ambýlatorıa ashylady. Nysan sanıtarlyq talaptar men normalarǵa saı jabdyqtalady. Aýdandaǵy medısınalyq pýnkt myńnan astam turǵanǵa qyzmet kórsetedi.

Qoldanystaǵy densaýlyq saqtaý nysandarynyń shalǵaı ornalasýyna baılanysty Myńkól, Ivanovka jáne Qurkól aýyldary da jańa medısınalyq nysandar salýdy qajet etetin eldi mekender tizimine engizilgen. Olarǵa eń jaqyn aýdandyq emhana 18 shaqyrymnan 115 shaqyrymǵa deıingi qashyqta ornalasqan. Aýyldarda turǵylyqty jeri boıynsha medısınalyq qyzmet kórsetetin jańa medısınalyq pýnktter salynady.

Pavlodar oblysynyń eldi mekenderinde 168 myńnan astam turǵyn bar. Jańa densaýlyq saqtaý nysandaryn salý jumys istep turǵan uıymdarǵa túsetin júktemeni azaıtyp, halyqqa kórsetiletin medısınalyq kómektiń sapasyn arttyrýǵa múmkindik beredi.