20 sáýirde Qyzylorda – Astana baǵytyndaǵy poıyzda adam shoshyrlyq oqıǵa tirkeldi. Aldyn ala málimet boıynsha, jolaýshy áıel poıyzda óz betimen bosanyp, artynsha jańa týǵan náresteni poıyzdyń terezesinen laqtyryp jibergen, dep habarlaıdy Bairaqmedia.kz.

Aqparatqa sáıkes, oqıǵa Qaraǵandy stansıasynan ótkennen keıin bolǵan. Poıyzdyń jolserigi dárethanadaǵy qan izderin baıqap, tazalyq jumystaryn bastaǵan. Bul jaǵdaı jolaýshylardyń alańdaýshylyǵyn týdyryp, bir áıel oqıǵanyń mán-jaıyn bilýge tyrysqan, nátıjesinde bosanǵan áıel poıyzdyń kýpeleriniń birinen tabylǵan.

Keıin sábıdiń shetinep ketkeni anyqtaldy. Aqparat kózderiniń habarlaýynsha, náresteniń denesi poıyzdan tys aýmaqta tabylǵan.

Kóliktegi polısıa departamenti atalǵan fakti boıynsha sotqa deıingi tergep-tekserý jumystaryn bastap ketti.

Qazir oqıǵanyń barlyq mán-jaıy anyqtalyp jatyr. Áıeldiń áreketine quqyqtyq baǵa beriletin bolady, – delingen habarlamada.