Memleket basshysy Qasym-Jomart Toqaev álemdik naryqtaǵy turaqsyzdyqqa baılanysty ekonomıkalyq máselelerdi talqylaý úshin keńes ótkizdi. Jıynǵa premer-mınıstr Oljas Bektenov, Ulttyq bank tóraǵasy Tımýr Súleımenov jáne basqa da jaýapty tulǵalar qatysty, dep habarlaıdy Bairaqmedia.kz.

Keńeste tarıftik qaqtyǵystar men jahandyq naryqtaǵy ózgerister saldarynan energetıkalyq resýrstar men negizgi taýarlardyń baǵasy tómendep, bul jaǵdaı el ekonomıkasyna da áser etip jatqany aıtyldy.

Prezıdent Úkimet pen jergilikti atqarýshy organdarǵa daǵdarysqa qarsy is-qımyl josparyn qysqa merzimde aıaqtaýdy tapsyrdy. Qujatta eldiń ekonomıkalyq ósimin saqtap qalý jáne ınvestısıalar kólemin tómendetpeý kózdeledi.

Toqaev eldegi ekonomıkalyq qıyndyqtarǵa qaramastan, ınfraqurylymdyq jobalardy, sıfrlandyrý men jasandy ıntellektini damytý, aýyl sharýashylyǵy men kólik-logıstıka salasyn jańǵyrtý sıaqty basymdyqtar tolyq júzege asyrylatynyn atap ótti.

Sonymen qatar, prezıdent aldaǵy aptada bul máselege arnalǵan arnaıy keńes ótkizýdi josparlap otyr.