Qazaqstanda álemge áıgili akter Djekı Chan men amerıkalyq prodúserlerdiń qatysýymen birneshe halyqaralyq kınojoba qolǵa alyndy. Bul týraly Úkimet otyrysynda Salem Entertainment sıfrlyq medıa kompanıasynyń bas dırektory Igor Saı málimdedi, dep habarlaıdy Bairaqmedia.kz.
Onyń aıtýynsha, kompanıa jylyna 12-den astam serıal jáne 4 tolyq metrajdy fılm túsiredi.
Bıyl Djekı Chan, amerıkalyq «Oskar» ıegeri prodúserlermen birlesken prodúserlik joba iske qosyldy, sondaı-aq jasandy ıntellekt tehnologıasyna negizdelgen kontent jasaý boıynsha Tımýr Bekmambetovpen biregeı joba qolǵa alyndy. Sonymen qatar Mádenıet jáne aqparat mınıstrliginiń qoldaýymen, «Qazaqtelekom» jáne TV+ brendimen seriktestikte biz 700 myń aqyly jazylýshyǵa qol jetkizdik, – dedi Igor Saı.
Sondaı-aq ol jyl saıyn YouTube platformasymen jumys istep, jylyna 400 mıllıonnan astam qaralym jınaıtynyn jetkizdi.
