Alaıaqtar "Bos jumys oryndary týraly" qýlyqqa basty. Bul týraly Bas prokýratýra habarlap, halyqqa aldanyp qalmaýdy eskertti, dep habarlaıdy bairaqmedia.kz.

Internet-alaıaqtar tanymal platformalarda jáne áleýmettik jelilerde mınımaldy talaptarmen joǵary tabys tabatyn jumysqa ornalasý týraly habarlandyrýlar jarıalap jatyr.

Internet alaıaqtar jumys izdeýshige jalǵan saıttarǵa silteme, jeke derekterdi jınaýǵa arnalǵan saýalnama jiberedi nemese "jumys isteýge arnalǵan mobıldi qosymshany" ornatýdy usynady. Bul olarǵa banktik derekterge, messendjerlerge jáne qurylǵyny basqarýǵa múmkindik beredi, - deıdi Bas prokýratýra.

Shetelde, onyń ishinde Ońtústik-SHyǵys Azıa elderinde Taıland, Mánma, taǵy basqa elderde jumys isteý týraly jalǵan usynystar da ózekti bop tur.

Azamattardy IT, modeldik, qonaq úı bıznesi salasynda nemese call-ortalyqtarǵa jumysqa ornalasý túrimen shetelge áketý úshin jaldaıdy. Onda olar eńbek jáne seksýaldyq quldyqta bolýy, qanaýǵa jáne zorlyq-zombylyqqa ushyraýy múmkin, - deıdi prokýratýra.

Vedomstvonyń málimetinshe, keıbir jaǵdaılarda zardap shekkenderdi basqa azamattardy májbúrlep aldaý nemese dene múshelerin transplantasıalaý sqemalarynda paıdalanady.

Bas prokýratýra eskertedi:

- qujattardy jibermes nemese qosymshalardy júktemes buryn jumys berýshiniń zańdylyǵyn jáne saıttyń meken-jaıyn tekserińiz;

- jumysqa, oqýǵa nemese vızaǵa resimdeý úshin qarajat aýdarmańyz;

- qosymshalardy tek Google Play, App Store resmı dúkenderinen ornatyńyz;

- resmı shart jasasqanǵa deıin jeke basyn kýálandyratyn qujattardyń kóshirmeleri men derekterin jáne bank kartalaryn usynbaý kerek;

- qyzmetkerlerdi irikteý boıynsha qyzmet kórsetetin deldaldyń nemese agenttiktiń zańdylyǵyna kóz jetkizý jáne agenttiktiń tirkeý derekterimen sheteldik jumys berýshi arasynda jasalǵan shartty suratý;

- kez kelgen kúmán týyndaǵan kezde polısıaǵa habarlaý kerek.