Atyraýda Halel Dosmuhamedov atyndaǵy ýnıversıtetke qarasty stýdentter jataqhanasynyń bir bóligi opyryldy, dep habarlaıdy Bairaqmedia.kz.

JOO aqparatyna sáıkes, apatty dep tanylǵan №2 jataqhananyń 5 qabatty ǵımaraty 1972 jyly salynǵan.

Ýnıversıtettiń sharýashylyq bólimi 2022 jyldyń qarashasynda № 2 jataqhanadaǵy 1-qabatynyń qabyrǵasynda aqaýdyń paıda bolǵanyn anyqtady. Osy jaǵdaı anyqtalǵan soń memlekettik satyp alý portaly arqyly jataqhananyń tehnıkalyq qaýipsizdigine saraptama júrgizýge konkýrs jarıalandy. 2023 jylǵy 21 aqpandaǵy № 138 kelisimshartqa sáıkes «PFA compani» JSHS tehnıkalyq zerdeleý jumystaryn júrgizip, ǵımarattyń apatty jaǵdaıda ekeni rastaldy. Stýdentterdiń bári basqa jataqhanalarǵa kóshirilip, ornalastyryldy, – delingen habarlamada.

Nysannyń apatty dep tanylýyna baılanysty munda 2023 jyldan beri eshkim turmaıdy.