Astanadaǵy «Barys Arenada» ótken kásibı boks keshinde qazaqstandyq Jánibek Álimhanuly (16-0, 11 KO) kezekti márte álem chempıony ataǵyn qorǵap, jankúıerlerin qýantty, dep habarlaıdy Bairaqmedia.kz.

Orta salmaqtaǵy WBO jáne IBF nusqalary boıynsha álem chempıony belbeýlerin báske tikken Jánibek Álimhanulynyń qarsylasy Fransıadan kelgen, áli jeńilistiń dámin tatpaǵan Anaýel Ngamıssıng (14-0, 9 KO) boldy.

Jekpe-jek basynan bastap Jánibektiń basymdyǵymen órbidi. Birinshi raýndta-aq jerlesimiz qarsylasyn nokdaýnǵa jiberip, óz ústemdigin kórsetti. Tartysty kezdesý on eki raýndqa josparlanǵanymen, besinshi raýndta Álimhanuly qarsylasyn nokaýtqa túsirip, jekpe-jekti merziminen buryn aıaqtady.

Bul jeńis arqyly Jánibek Álimhanuly chempıondyq belbeýlerin sátti qorǵap qana qoımaı, óz sheberligin taǵy bir márte dáleldedi. Ol álemdik arenada qazaq boksynyń abyroıyn asqaqtatýdy jalǵastyra bermek.