Aqtóbede jemqorlyq boıynsha taǵy bir joǵary laýazymdy sheneýnik sottaldy, dep habarlaıdy Bairaqmedia.kz.

Aqtóbe qalasynyń №2 soty «Aqtóbe qalasynyń jol qozǵalysy jáne sıfrlyq tehnologıalar qaýipsizdigin qamtamasyz etý ortalyǵy» KMM dırektory A. Tilmaǵambetovke qatysty úkim shyǵardy. Ol jeke kásipker A. Kýsýmovpen sóz baılasyp, jalǵan memlekettik satyp alý shartyn jasap, oryndalmaǵan jumystar úshin 35 mıllıon teńge búdjet qarjysyn zańsyz ıemdengen.

Buǵan qosa, Tilmaǵambetov merdiger uıymdardyń kepildik mindettemeleri aıasynda ózderi oryndaýǵa tıis jol tańbalaryn salý jumystaryn qaıtadan memlekettik satyp alý arqyly rásimdep, qosymsha 237 mıllıon teńge qarjyny maqsatsyz jumsaǵany anyqtaldy.

Sot úkimimen Tilmaǵambetov 8 jylǵa bas bostandyǵynan aıyrylyp, ómir boıy memlekettik qyzmet pen jergilikti ózin-ózi basqarý organdarynda jumys isteý quqyǵynan aıyryldy. Onyń sybaılasy Kýsýmov ta 7 jylǵa sottalyp, komersıalyq jáne memlekettik uıymdarda materıaldyq jaýapkershiligi bar laýazymdardy atqarý quqyǵynan ómir boıyna aıyryldy.

Qazir úkim zańdy kúshine engen joq.