Almaty oblysy İle aýdanynyń eks-ákimi Baǵdat Qarasaevqa qatysty qylmystyq is sotqa jiberildi dep habarlaıdy bairaqmedia.kz
Sybaılas jemqorlyqqa qarsy is-qımyl agenttigi İle aýdanynyń eks-ákimine qatysty sotqa deıingi tergeýdi aıaqtady. İs qylmystyq kodekstiń 7-baby boıynsha qaralmaq.
Sybaılas jemqorlyqqa qarsy is-qımyl agenttiginiń Almaty oblysy boıynsha departamenti B.Á. Qarasaevqa qatysty jáne Qylmystyq kodekstiń 189, 190, 324, 361, 362, 364, 369 baptary boıynsha basqa da adamdarǵa qatysty sotqa deıingi tergeýdi aıaqtaǵanyn habarlaımyz. 2025 jyldyń 31 naýryzynda qylmystyq is Qylmystyq is júrgizý kodeksiniń 305-babynyń tártibimen máni boıynsha qaraý úshin Almaty oblysy İle aýdandyq sotyna joldandy, - delingen Almaty oblystyq prokýratýrasynyń resmı jaýabynda.
Aıta keteıik, Baǵdat Qarasaev 2024 jyldyń 4 qyrkúıeginde qyzmet babyn jáne ókilettigin asyra paıdalandy degen kúdikpen ustalǵan bolatyn. Antıkor málimetinshe, Qarasaevtyń áreketi memleketke 204 mıllıon teńge kóleminde zalal keltirgen.
