Mádenıet jáne aqparat mınıstri Aıda Balaeva jazda Astanada ótetin Djennıfer Lopestiń konsertine baratynyn aıtty dep habarlaıdy bairaqmedia.kz
Ol konsertke bıletti qýana-qýana satyp alǵan. Aıta keteıik, álem juldyzynyń keshi 1 tamyzda Astana Arenada ótpek.
Mınıstr retinde bıznes ókilderi osyndaı ispen aınalysyp jatqanyna qýanamyn. Biz olarǵa jan-jaqty kómektesemiz. Men Djennıfer Lopestiń konsertine qýana-qýana baramyn. Óıtkeni, onyń búkil álem moıyndaǵan talantyn kózben kórgim keledi. Bılet satyp aldym, men de konsertke baramyn, - dedi Aıda Balaeva.
Mınıstr Djennıfer Lopestiń jankúıerleriniń arqasynda Qazaqstan týraly kóp adam estip-biletin bolady dep málimdedi. Sonymen qatar, Aıda Balaeva Lara Fabıannyń konsertine de barǵysy keletinin aıtty.
