Elimizde gıpermasshtabtalatyn derekterdi óńdeıtin eń iri ortalyq qurylady, dep habarlaıdy Bairaqmedia.kz.  

Qazaqstanda sıngapýrlyq ınvestorlar – GK Hyperscale Ltd kompanıasynyń qatysýymen gıpermasshtabtalatyn derekterdi óńdeý ortalyqtaryn (DÓO) salý boıynsha strategıalyq mańyzdy joba iske qosylady. Premer-mınıstr Oljas Bektenov Investormen kelisim týraly tıisti qaýlyǵa qol qoıdy.

Atap aıtqanda, qujatta Aqmola jáne Qaraǵandy oblystarynda jalpy qýaty 200 MVt bolatyn eki birdeı derekterdi óńdeý ortalyǵyn salý jáne paıdalanýǵa berý úshin 690 mlrd teńge kóleminde ınvestısıa tartý kózdelgen.

Úkimet atynan Sıfrlyq damý mınıstrligi jobany júzege asyrýǵa, onyń memlekettik sıfrlyq ekojúıege ıntegrasıalanýyn qamtamasyz etýge, sondaı-aq «bultty» tehnologıalar men joǵary ónimdi esepteýlerdi (HPC) damytý úshin normatıvtik jaǵdaı qalyptastyrýǵa belsendi túrde qatysady. Mundaı ortalyqtardy qurý Qazaqstanǵa Microsoft, Google jáne Amazon sıaqty halyqaralyq tehnologıa alpaýyttaryn, sondaı-aq úlken derektermen jáne mashınalyq oqytýmen jumys isteıtin kompanıalardy tartýǵa múmkindik beredi.

Joba jalaqy deńgeıi joǵary jumys oryndaryn ashý jáne tehnologıalyq táýelsizdikti qamtamasyz etý arqyly sıfrlyq ekonomıkany damytýdyń qozǵaýshy kúshine aınalady. Qazaqstan IT-qyzmetter eksportyn edáýirarttyryp, halyqaralyq naryqtarda jergilikti IT-kompanıalardyń qatysýyn keńeıtedi jáne onyń jahandyq sıfrlyq ekojúıelerdegi rólin kúsheıtedi dep kútiledi.

Osylaısha, DÓO iske qosylýy elimizdiń Ortalyq Azıanyń sıfrlyq haby retindegi ornyn nyǵaıtady ári IT-qyzmetter eksportynyń ósýine jaǵdaı jasaıdy.

Qurylystyń birinshi kezegi 2027 jyly, al DÓO 2030 jyly tolyq iske qosylady dep josparlanǵan.