Ekibastuzda adamdardyń jappaı ýlanýyna baılanysty daýǵa núkte qoıyldy, dep habarlaıdy Bairaqmedia.kz. 
 
Atap aıtqanda, 2024 jyldyń 14-16 sáýir aralyǵynda Astana, Qaraǵandy, Pavlodar jáne Ekibastuz qalalaryndaǵy medısınalyq mekemelerge ártúrli tamaqtan ýlaný belgilerimen 56 adam júgingen. Olardyń bári Ekibastuzdadaǵy meıramhanada ótken saltanatty sharaǵa qatysqan bolyp shyqty.

Zardap shekken adamdardyń sanyna baılanysty, tergeý bastalǵan sátten bastap, qylmystyq is Ekibastuz prokýratýrasynyń baqylaýynda boldy. Prosesýaldyq prokýrorlar taǵaıyndalyp, saraptamalar uıymdastyryldy, tergeý tobynyń shyǵýy uıymdastyryldy. Ekibastuz qalalyq sotynyń úkimimen kináli tulǵa qoǵamdyq tamaqtaný salasynda qyzmetpen aınalysýǵa tyıym salynyp, erkindigin shekteý jazasyna kesildi, – delingen habarlamada.

Zardap shekkender sot sheshimimen qanaǵattandy, tek meıramhana ıesi sot úkimin qaıta qaraý úshin shaǵymdandy.