Qazaqstandyq stýdentter III Túrki ýnıversıadasynda 23 medal ıelendi. Bul týraly Ǵylym jáne joǵary bilim mınıstrligi málimdedi, - dep habarlaıdy bairaqmedia.kz

Iaǵnı, Qazaqstannyń namysyn qorǵaǵan stýdentter 8 altyn, 4 kúmis jáne 11 qolany ıelengen.

Sporttyq doda 3-9 qyrkúıek aralyǵynda Qyrǵyzstannyń Cholpon-Ata qalasynda ótti.                     

Ýnıversıadaǵa Túrki memleketteri uıymyna múshe elderdiń stýdent-sportshylary qatysqan.

Ýnıversıadanyń ashylý rásimine Qazaqstannan ǵylym jáne joǵary bilim vıse-mınıstri Gúlzat Kóbenova, Satbayev University-diń ǵylym jáne korporatıvti damý jónindegi prorektory Erjan Kúldıev, Qazaqstan stýdenttik sporty odaǵynyń vıse-prezıdenti Muhtar Esqalıev, Qazaqstan ulttyq stýdenttik sport odaǵynyń bas hatshysy Jasnur Aqedilov qatysty. Sonymen qatar ulttyq delegasıa quramynda Qazaqstan namysyn halyqaralyq arenada qorǵaýǵa daıyn sportshylar men jattyqtyrýshylar boldy.

Ýnıversıadada Qazaqstan, Ázerbaıjan, Qyrǵyzstan, Túrkıa jáne Ózbekstan sportshylary jarysqa tústi. Ol voleıbol, fýtzal, ústel tenısi, shahmat, dzúdo, erkin kúres jáne grek-rım kúresi sıaqty 7 sport túri boıynsha ótti.

III Túrki ýnıversıadasyna barlyǵy 5 elden 450 delegat qatyssa, Qazaqstan quramasyn 15 joǵary oqý ornynan kelgen 66 sportshy tanystyrdy. Olar barlyq 7 sport túrinen baq synady.

Kelesi IV Túrki ýnıversıadasy 2027 jyly Túrkıada ótedi.