Алматы облысында судағы демалыс кезінде болған оқиға қайғылы жағдаймен аяқтала жаздады. Гидроцикл адамдар отырған үрлемелі диванды соғып, салдарынан әйел мен жасөспірім көптеген дене жарақатын алған, деп хабарлады Вairaqmedia.kz.
КТК телеарнасының мәліметінше, зардап шеккендердің бірнеше жері сынған. Оқиғадан бері бір айдан астам уақыт өтсе де, екеуі әлі өздігінен жүре алмайды және төсекке таңылған.
Судағы аттракционда демалмақ болған әйел мен жасөспірім мінген үрлемелі диванды гидроцикл қағып кеткен. Соққының салдарынан екеуі де ауыр жарақат алып, ұзақ уақыт емделуге мәжбүр болған.
Оқиғаға байланысты полиция қылмыстық іс қозғаған. Алайда телеарна мәліметінше, оқиғаға кінәлі болуы мүмкін деген азамат әзірге бостандықта жүр.
Қазіргі уақытта істің мән-жайы анықталып жатыр.
