Димаш Құдайберген әйгілі Пласидо Домингомен бірге ән шырқайды. Бұл туралы әншінің dimashnews.com сайтынан мәлім болды, деп жазады bairaqmedia.kz.
Ной Бай әуежайында қазақстандық өнерпазды жергілікті фан-клубтың жанкүйерлері қарсы алды.
Вьетнамдық Dears-тың бірі тіпті Димашты қазақ тілінде қарсы алып, құттықтады.
Вьетнам жеріндегі кездесу әдеттегідей гүл шоқтарымен және әншінің жанкүйерлеріне берген қолтаңбасымен ыстық сезімге толы болды.
6 шілдеде Димаш Sun Symphony Orchestra-ның сүйемелдеуімен Хо Гом театрының сахнасында Пласидо Доминго және Кристин Ополайспен бірге өнер көрсетеді.
Концерт Вьетнам астанасының жаңа мәдени символдарының бірі Хо Гом театрының екінші туған күніне орай ұйымдастырылды.
