Тергеу мәліметінше, ер адам әжесімен бірге пәтерде болған. Алдын ала ақпарат бойынша, алкогольдік ішімдік ішу салдарынан екеуінің арасында тұрмыстық жанжал туындаған. Жанжал кезінде ер адам әжесіне бірнеше рет пышақ жарақатын салған. Кейуана алған жарақаттарынан оқиға орнында көз жұмды.
Аталған факті бойынша адам өлтіру бабымен қылмыстық іс қозғалды. 48 жастағы күдікті ұсталып, оған айып тағылды.
Тергеу күдіктіні қамауға алу туралы өтінішті сотқа жолдауды жоспарлап отыр. Қазіргі уақытта оқиғаның барлық мән-жайы анықталып жатыр.
