الماتى وبلىسىندا كوپقاباتتى تۇرعىن ۇيلەردى سالۋ كەزىندە اسا ءىرى كولەمدە الاياقتىق جاسالعانى انىقتالدى. بۇل دەرەك بويىنشا قارجىلىق مونيتورينگ اگەنتتىگىنىڭ وبلىستىق دەپارتامەنتى تەرگەۋ جۇرگىزىپ، ءىستى سوتقا جىبەردى، دەپ حابارلايدى Bairaqmedia.kz.

تەرگەۋ ماتەريالدارىنا سايكەس، «Tورەدو» ج ش س باسشىلارى 2021-2023 جىلدارى ليسەنزياسىز، جوبالىق-سمەتالىق قۇجاتتارسىز، قۇرىلىسقا رۇقساتسىز جۇمىس ىستەگەن. سوعان قاراماستان، ولار «HOME»، «HOME يۋجنىي018»، «HOME SAU»، «HOME MAK» تۇرعىن ءۇي كەشەندەرىن الەۋمەتتىك جەلىلەردە بەلسەندى جارنامالاپ، 100-دەن استام ازاماتتان 972 ميلليون تەڭگە جيناعان.

قۇرىلىس تالاپقا ساي جۇرگىزىلمەي، بەلگىلەنگەن مەرزىمدە اياقتالماعان. بۇل جاعداي ۇلەسكەرلەردىڭ جاپپاي قۇقىق قورعاۋ ورگاندارىنا شاعىمدانۋىنا سەبەپ بولدى.

سوت سانكسياسىمەن كۇدىكتىلەردىڭ:

• 12 جەر تەلىمى،

• 9 اۆتوكولىك،

• 3 قاباتتى اياقتالماعان عيماراتى،

• جەكە تۇرعىن ءۇيى
  240 ميلليون تەڭگەدەن استام سوماعا تاركىلەندى.

ءقازىر كۇدىكتىلەر قاماۋدا، ءىس سوت قاراۋىنا جىبەرىلدى.