الماتى وبلىسى مەكتەپتەرىندە اقشا بوپسالاۋ، تاماق تارتىپ الۋ، بۋللينگ، زورلىق-زومبىلىق ماسەلەسى ءورشىپ تۇر. بۇل تۋرالى بالا قۇقىعى جونىندەگى ۋاكىل دينارا زاكييەۆا ايتتى، دەپ حابارلايدى Bairaqmedia.kz.
ونىڭ ايتۋىنشا 7 مەكتەپتە وقۋشىلار اراسىندا ساۋالناما جۇرگىزىلگەن.
مەملەكەت باسشىسى تاپسىرماسىنىڭ اياسىندا وسى ايدا ءبىز مەملەكەتتىك ورگاندار، بالالار قۇقىقتارىن قورعاۋ كوميتەتىمەن بىرگە الماتى وبلىسىنىڭ 7 اۋدانىنداعى مەكتەپتەردەگى جاعدايعا ىرىكتەمەلى تەكسەرىس جۇرگىزدىك. وكىنىشكە قاراي، الماتى وبلىسى ىلە اۋدانىندا وقۋشىنىڭ باسقا بالالارعا قاتىستى جاساعان زورلىق-زومبىلىعى — وبلىس مەكتەپتەرىندەگى ۇلكەن جۇيەلى پروبلەمانىڭ ءبىر كورىنىسى. وبلىس وقۋشىلارىنىڭ اراسىندا ءانونيمدى ساۋالناما جۇرگىزدىك، سونداي-اق ولاردىڭ انكەتالارىن زەرتتەدىك. ناتيجەلەرى ءبىزدى سەلت ەتكىزدى. قاراساي، بالقاش، تالعار، ىلە، ەڭبەكشىقازاق اۋداندارىنىڭ مەكتەپتەرىندە بالالار اقشا بوپسالاۋ، تاماق تارتىپ الۋ، بۋللينگ، زورلىق-زومبىلىق، سونىمەن قاتار مۇعالىمدەر تاراپىنان، دەنە شىنىقتىرۋ جانە الگەبرا ءپانى مۇعالىمدەرىنىڭ ءتيىسۋى تۋرالى جازعان. ەڭبەكشىقازاق اۋدانىندا ەكى بالا مۇعالىمدەردىڭ كۇش قولدانۋىنان كەيىن اۋرۋحاناعا تۇسكەن، — دەدى بالا قۇقىعى جونىندەگى ۋاكىل.
ونىڭ ايتۋىنشا، كىشى سىنىپ وقۋشىلارى جوعارى سىنىپ وقۋشىلارىنا اقشا جينايتىن جاعداي ءجيى كەزدەسەدى.
سونداي-اق جامبىل اۋدانىنىڭ ءبىر مەكتەبىندە بالالار كەلەسى قورقىنىشتى كورىنىستى سيپاتتاعان. كىشى سىنىپ وقۋشىلارى جوعارى سىنىپ وقۋشىلارىن كورگەندە قولدارىن اقشا بەرۋ ءۇشىن بىردەن قالتالارىنا سالادى ەكەن، ايتپەسە ولارعا كۇش قولدانىلادى دەيدى. بالالار بەسىنشى سىنىپ وقۋشىسىن توپ بولىپ ۇرۋ، ناسىباي قولدانۋ (ول كەيدە جەردە جاتادى دەپ جازعان) تۋرالى دا جازعان، — دەدى دينارا زاكييەۆا.
ۋاكىل مەكتەپ اكىمشىلىگى وقۋشىلار اراسىنداعى اتالمىش جاعدايدى بىلمەيتىنىن نەمەسە ەلەمەيتىنىن جەتكىزدى.
سونىمەن قاتار ولار وقۋشىلارعا قاتىستى كيبەربۋللينگتى جاريالايتىن ءانونيمدى Instagram-ارنا تۋرالى حابارلاپ، بۇل تۋرالى مۇعالىمدەرگە ايتقاندارىمەن، ەشقانداي كومەك الماعان. ودان بولەك، بالالار كۇزدە كەمىندە 50 وقۋشى قاتىسقان جاپپاي توبەلەس بولعانىن ايتتى، ءبىراق مەكتەپ بۇل فاكتىنى جوققا شىعارىپ وتىر، ال پوليسيا مۇنداي اقپاراتتان بەيحابار ەكەن. وسىلايشا، مەكتەپتەردە وقۋشىلار اراسىنداعى قۇقىقبۇزۋشىلىقتاردى مەكتەپ باسشىلىعى مەن قىزمەتكەرلەرىنىڭ جاسىرۋى، بالالارمەن پروفيلاكتيكالىق جانە جەكە جۇمىستىڭ جوقتىعى بايقالادى. مەكتەپ اكىمشىلىگى وقۋشىلار اراسىنداعى جاعدايدى بىلمەيدى نەمەسە ەلەمەيدى، جاسىرادى جانە پوليسياعا حابارلامايدى. بۇدان بولەك، كوپتەگەن جاعدايدا مەكتەپتەردىڭ وزدەرى انكەتادا بۋللينگ، اقشا بوپسالاۋ جانە وزگە دە قۇقىققا قايشى ارەكەتتەر بويىنشا راستاۋشى جاۋاپتار بەرىلگەنىنە قاراماستان، قورىتىندى انىقتامادا بۇنداي جاعدايلاردى 0% دەپ كورسەتكەن. سونىمەن قاتار، وبلىستا تاربيە باعدارلامالارىن جانە قابىلدانعان زاڭ نورمالارىن ىسكە اسىرۋ دەڭگەيى تومەن ەكەنىن اتاپ وتكەن ءجون. اتالعان فاكتىلەردىڭ ءبارىن ءبىز وبلىس باسشىلىعى، پوليسيا جانە وزگە باسقارمالارمەن وتكەن قورىتىندى جينالىستا جاريا ەتتىك. سونداي-اق، ءبىز وبلىسقا جانە ۋاكىلەتتى مەملەكەتتىك ورگاندارعا جولداناتىن انىقتاما دايىندادىق، – دەپ جازدى ۋاكىل.
