ورالدا كوپقاباتتى ءۇيدىڭ اۋلاسىندا 9 جاسار بالانى توق سوعىپ، جانساقتاۋ بولىمىنە ءتۇستى، دەپ حابارلايدى Bairaqmedia.kz.

«موي گورود» پورتالىنىڭ مالىمەتنشە، قايعىلى وقيعا كەشە كەشكە چاگانو-نابەرەجنايا كوشەسىندەگى №82 ءۇيدىڭ جانىندا بولعان. كۋاگەرلەردىڭ ايتۋىنشا، بالا جوعارعى سىمعا ءىلىنىپ قالعان دوبىن الماق بولىپ، ترانسفورماتورلىق ستانسيانىڭ توبەسىنە شىققان. سول جەردە ونى توق ۇرعان.

باتىس قازاقستان وبلىستىق دەنساۋلىق ساقتاۋ باسقارماسىنىڭ حابارلاۋىنشا، بالانىڭ جاعدايى وتە اۋىر.

ءقازىر ول وبلىستىق كوپبەيىندى بالالار اۋرۋحاناسىندا جاساندى تىنىس الۋ اپپاراتىنا قوسىلعان. دەنەسىنىڭ 95 پايىزى كۇيگەن، كۇيىكتىڭ دەڭگەيى – ءتورتىنشى دارەجەدە، – دەدى باسقارما وكىلى.

پوليسيا دەپارتامەنتى وقيعاعا بايلانىستى قىلمىستىق ءىس قوزعالعانىن حابارلادى. ءقازىر تەرگەۋ ءجۇرىپ جاتىر.