Оманның Кумзар елді мекенінен солтүстік-батысында тұрақтаған кемеде шыққан өртке снарядтың тиюі себеп болған, деп хабарлайды Вairaqmedia.kz.
Бұл туралы Ұлыбритания Әскери-теңіз күштерінің Теңіз сауда тасымалдарын үйлестіру орталығы (UKMTO) таратқан жаңартылған мәліметте айтылған.
«Компанияның қауіпсіздікке жауапты қызметкері кемеге белгісіз снарядтың тигенін растады. Экипаж мүшелері кемеден аман-есен эвакуацияланып, буксирдің көмегімен құтқарылды. Өрт әлі толық сөндірілген жоқ, қазіргі уақытта кеме теңізде еркін қалқып бара жатыр», – деп нақтылады үйлестіру орталығы.
Кеменің түрі мен экипаж мүшелерінің саны әзірге нақтыланбаған.
