2026 жылғы Нобель бейбітшілік сыйлығы Оңтүстік Африка Республикасының заңгері әрі құқық қорғаушысы Наванетем Пиллайға берілді, деп хабарлайды Вairaqmedia.kz
Норвегияның Нобель комитеті Пиллайдың халықаралық құқықты қорғауға, бейбітшілікті нығайтуға және халықаралық сот институттарын дамытуға қосқан үлесін атап өтті.
Наванетем Пиллай 1941 жылы Оңтүстік Африканың Дурбан қаласында дүниеге келген. Ол заңгерлік қызметін апартеид кезеңінде бастап, адам құқықтарын қорғаумен айналысқан.
1995 жылы Пиллай Оңтүстік Африка Жоғарғы сотының судьясы болып тағайындалған алғашқы ақ нәсілді емес әйел атанды. Кейін Руанда бойынша халықаралық қылмыстық трибуналда және Халықаралық қылмыстық сотта судья қызметін атқарды.
2008–2014 жылдары БҰҰ-ның Адам құқықтары жөніндегі Жоғарғы комиссары болды. Ол халықаралық қақтығыстар кезіндегі адам құқықтарының бұзылуын тергеу жұмыстарына да қатысты.
Айта кетейік, биыл Нобель бейбітшілік сыйлығына 287 кандидат ұсынылған. Оның 208-і жеке тұлға, 79-ы ұйым.
Сыйлықты табыстау рәсімі дәстүр бойынша 10 желтоқсанда Норвегия астанасы Ослода өтеді. Биылғы ақшалай марапат мөлшері 12 миллион швед кронасын құрайды.
