Әлемдегі екінші орындағы қазақстандық теннисші Елена Рыбакина Германияның Штутгарт қаласында өткен WTA-500 турнирінің титулын жеңіп алды, деп хабарлайды bairaqmedia.kz.
Ол финалда чехиялық Каролина Мухованы (12-ші орын) 7-5, 6-1 есебімен жеңді.
Теннисшілер кортта 1 сағат 19 минут өткізді. Матч барысында Рыбакина қос қате жібермей, үш рет эйс жасады және сегіз брейк-пойнтының төртеуін дәл соқты. Каролина Мухова бір эйс жасады, қос қате жібермеді және матчтағы жалғыз брейк-пойнтын дәл соқты.
Әлемдегі екінші "ракетка" өзінің автопаркі енді лимон түсті Porsche 911 Carrera S көлігімен толықты – 2024 жылы ол Porsche Taycan 4S Sport Turism көлігін жеңіп алған.
Рыбакина үшін Штутгарттағы жеңісі оның мансабындағы 13-ші және 2026 жылғы маусымдағы екінші титулы болды. Қазақстандық теннисші бұған дейін 2026 жылғы Австралия ашық чемпионатын жеңіп алған болатын.
