Ақтөбеде 15 жастағы қызды зорлаған әскери қызметкерге сот үкімі шықты, деп хабарлайды bairaqmedia.kz Ақтөбе әскери сотына сілтеме жасап.
Әскери қызметкерге қатысты Қылмыстық кодекстің 120-бабы "Зорлау" бойынша айып тағылды. Тергеуді Батыс өңірлік әскери-тергеу басқармасы Ақтөбе бөлімінің қызметкерлері жүргізді.
Сот отырысы жабық режимде өтті.
"Ер адам жасөспірімнің дәрменсіз жағдайын пайдаланып, жыныстық қатынасқа түскен. Ол кінәлі деп танылды", – деп хабарлады әскери соттың баспасөз қызметі.
Сот үкімімен сотталушы 15 жыл 6 айға бас бостандығынан және әскери шенінен айырылды.
