Түркістан облысының Арыс қаласында мас күйінде көлік жүргізіп, алты адамды қаққан әйелге сот үкімі шықты, деп хабарлады Вairaqmedia.kz.
Сот Бибінұр Касимованы 9 жылға бас бостандығынан айырды. Сонымен қатар ол өмір бойына көлік құралын басқару құқығынан айырылды.
Сот шешімімен айыпталушы қаза тапқандардың жақындары мен жол апатынан зардап шеккендерге жалпы 35 млн теңге көлемінде моральдық зиян өтемақысын төлеуге міндеттелді.
Алайда сотталушының 14 жасқа толмаған мүмкіндігі шектеулі қызы бар екені ескеріліп, бас бостандығынан айыру жазасын өтеу мерзімі кейінге шегерілді.
Бұған дейін жол апатында жақындарынан айырылған марқұмдардың туыстары сот тағайындаған жазаны тым жеңіл деп санайтынын айтып, үкімге апелляциялық шағым түсіруге ниетті екенін мәлімдеген.
