Жамбыл облысында жолаушылар мінген автобус өртенді, деп хабарлайды Bairaqmedia.kz.
Ақпаратқа сәйкес, Жуалы ауданында «Алматы – Ташкент» автожолының 553-шақырымында жолаушылар автобусы өртенген. Өрт сөндірушілер барған кезде автобус тұрақта тұрған, алайда от көлік құралын тез шарпыған.
ТЖМ қызметкерлерінің жедел іс-қимылының арқасында өрт толықтай сөндірілді. Зардап шеккендер жоқ. Барлық 40 жолаушы жолай өтіп бара жатқан көлікпен жөнелтілді.
Құтқарушылардың үйлесімді әрекеттері қайғылы жағдайдың алдын алуға және жолдың қарқынды бөлігінде қауіпті жоюға мүмкіндік берді.
