استاناداعى «بيگ شانحاي» ساۋدا بازارى ورتەندى، دەپ حابارلايدى bairaqmedia.kz.

«ءورت تۋرالى حابار كەش بەرىلگەندىكتەن، جالىن عيماراتتىڭ بارلىق اۋماعىنا تاراپ ۇلگەرگەن. ۇلكەن جانعىش جۇكتەمەنىڭ بولۋى ءسوندىرۋ جۇمىستارىن كۇردەلەندىرىپ وتىر»، — دەيدى تجم باسپا ءسوز قىزمەتى.

استانا قالالىق توتەنشە جاعدايلار دەپارتامەنتىنىڭ مالىمەتىنشە، ءورتتى سوندىرۋگە  165 قىزمەتكەر مەن 62 تەحنيكا بىرلىگى جۇمىلدىرىلعان.

«ءورتتى ءسوندىرۋ جۇمىستارى جوعارى جانۋ جۇكتەمەسى مەن قاتتى تۇتىندەۋ سالدارىنان كۇردەلى بولدى. قابىلدانعان شارالاردىڭ ناتيجەسىندە ءورت ساعات 07:10-دا وقشاۋلاندى. قۇتقارۋشىلاردىڭ جەدەل قابىلداعان شارالارىنىڭ ناتيجەسىندە ءورتتىڭ جاقىن ورنالاسقان عيماراتتارعا تارالۋىنا جول بەرىلمەدى»، — دەلىنگەن حابارلامادا.

ايتا كەتۋ كەرەك، بازار اكىمشىلىگى ءورت تۋرالى حابارلاماعان. ءورتتى ءبىرىنشى جانە ءۇشىنشى قاباتتىڭ تەرەزەلەرىنەن شىققان قويۋ قارا ءتۇتىندى بايقاپ قالعان ءورت ءسوندىرۋ ءبولىمىنىڭ قىزمەتكەرلەرى وزدەرى انىقتاعان. استانا قالاسى تجد جانە جاو 165 ادام، 62 بىرلىك تەحنيكاسى جۇمىلدىرىلدى.

قازىرگى ۋاقىتقا دەيىن زارداپ شەككەندەر تۋرالى مالىمەت تىركەلگەن جوق.