استانادا قۇرىلىس كرانى قۇلاپ، جۇمىسشى قازا تاپتى، دەپ حابارلايدى bairaqmaedia.kz
وقىس وقيعا تۇرار رىسقۇلوۆ كوشەسى 18/5 ءۇي مەكەنجايىندا ورنالاسقان «ابىروي» تۇرعىن ءۇي كەشەنى اۋماعىندا بولعان. اپاتقا قاتتى جەلدىڭ سەبەپ بولعانى ايتىلۋدا. وقيعا ورنىن جەلىدەگى پاراقشالاردىڭ ءبىرى جاريالادى.
كەيىن سالىنىپ جاتقان تۇرعىن ءۇي كەشەنى مەن كراننىڭ BI Group كومپانياسىنا تيەسىلى ەكەنىدىگى انىقتالدى.
كران تەحنيكالىق جاعىنان دۇرىس كۇيدە بولدى جانە بارلىق تەحنيكا سياقتى جۇمىس باستالعانعا دەيىن مىندەتتى تەكسەرۋدەن ءوتتى. وقيعا بولعان كەزدە كران وپەراتورى جۇمىستى اياقتاپ، جۇمىس كۇنى اياقتالۋعا جاقىن بولدى. وكىنىشكە قاراي، كراننىڭ قۇلاۋى سالدارىنان ءبىر ادام قازا بولدى. توتەنشە جاعداي قىزمەتتەرىنىڭ داۋىل تۋرالى ەسكەرتۋى وقيعا بولعاننان كەيىن عانا كەلدى. ءبىز قازا بولعان ادامنىڭ تۋىستارى مەن جاقىندارىنا شىن جۇرەكتەن كوڭىل ايتامىز، — دەلىنگەن كومپانيا تاراتقان حابارلامادا.
قۇرىلىس كومپانياسى قازا تاپقان كرانشىنىڭ وتباسىنا ماتەريالدىق كومەك كورسەتىلەتىنىن مالىمدەدى.