Түркістан облысында екі көлік соқтығысып, 6 адам қаза тапты, деп хабарлайды Bairaqmedia.kz.
Бүгін Кентау-Түркістан тасжолының 5-шақырымында «Ауди» маркалы екі бірдей көліктің қатысуымен жол апаты болып, соңынан өрт шықты.
Алдын ала мәліметтер бойынша, жеңіл көліктердің бірінің жүргізушісі қарсы жолаққа шығып кетіп, екіншісімен соқтығысқан. Апат салдарынан 6 адам қаза тауып, 4 адам түрлі дене жарақатымен Кентау қаласының медициналық мекемесіне жатқызылды, – делінген хабарламада.
Қазір оқиғаның барлық мән-жайлары анықталып, сотқа дейінгі тергеу амалдары жүргізіліп жатыр. Оның нәтижесі бойынша процестік шешім қабылданатын болады.
