Шымкент-Каир бағытында әуе рейсі іске қосылады, деп хабарлайды Bairaqmedia.kz.
Азаматтық авиация комитетінің ақпаратына сәйкес, биыл 29 мамырдан бастап қазақстандық SCAT әуекомпаниясы Шымкент – Каир бағыты бойынша Египетке жаңа бағыт ашуды жоспарлап отыр.
Рейстер аптасына 2 рет (дүйсенбі және сәрсенбі күндері) Boeing 737-800 және Boeing MAX 8 типті әуе кемелерінде орындалады.
Әуе қатынасының ашылуы екі ел арасындағы ынтымақтастықты одан әрі дамытуға ықпал етеді деп күтіледі.
