«Маңғыстаумұнайгаз» АҚ-ның қызметінде ағынды суларды жер қойнауына жіберу, сондай-ақ тиісті шектеу орнатпастан бұрғылау қалдықтарын жинақтаумен байланысты өрескел заңбұзушылықтар анықталды.
Маңғыстау облысы прокуратурасының ақпаратына сәйкес, соттың 2024 жылдың 4 желтоқсанындағы қаулысымен компания Әкімшілік құқықбұзушылық туралы кодекстің 328-бабымен әкімшілік жауаптылыққа тартылып, 31 млрд теңге көлемінде айыппұл салынды.
Сот актісі заңды күшіне енді.
Сондай-ақ, мұнай жылыту пештерінен қоршаған ортаға ластаушы заттардың шамадан тыс шығарылу фактісі де анықталды. Аталған дерек бойынша 2024 дың 11 желтоқсанында компания қосымша әкімшілік жауаптылыққа тартылып, 1,2 млрд теңге айыппұл арқалады, – делінген прокуратура хабарламасында.
