Ақтауда қызды тонап, ұрып-соқты деген күдікпен ер адам ұсталды. Күдікті уақытша ұстау изоляторына қамалған.

Ақтауда қызды тонап, ұрып-соқты деген күдікпен ер адам ұсталды. Маңғыстау облыстық полиция департаментінің мәліметінше, күдікті уақытша ұстау изоляторына қамалған, - деп хабарлайды Bairaqmedia.kz.

Бұл туралы Kazinform агенттігі жазады.

— Осы іс бойынша тергеу жалғасып жатыр, болған оқиғаның барлық мән-жайлары анықталуда, — делінген хабарламада. 

Айта кетсек, 17 қарашада Ақтауда түнгі көңіл көтеру орындарының бірінің алдында ер адамның қызды ұрып-соққан бейнежазба тарады. Бейнежазбада ер адам қызды бетінен ұрып, жерге құлатады. Ұрып-соғу мұнымен тоқтамай, сәлден кейін қайта жалғасқан. Кейін жәбірленуші әлеуметтік желіде жігіттің бұған дейін де оған қол көтергенін жазған. Қоғамда резонанс тудырған осы бейнежазбадан кейін полиция күдіктіге қатысты іс қозғады.