Instagramda 166 myńnan astam oqyrmany bar, ózin sıfrly psıholog dep tanystyratyn Gúljan Kım esimdi bloger Perızat Qaıratqa taldaý jasady.
Ol Perızat Qaırattyń týǵan kúnine, ómirindegi sandarǵa qarap, tulǵalyq qasıetterin aıtty, dep habarlaıdy Caravan.kz medıa portaly.
Psıhologtyń sózine sensek, Perızat Qaırat sekildi adamdarǵa senýge bolmaıdy.
«Perızat Qaıratty barlyqtaryńyz tanıtyn shyǵarsyzdar. Búgin sol qyz jaıly taldaý jasaǵym kelip tur. Negizi Perızat ózi karmalyq adam bolyp týylǵan. Bunyń jaman karmalary óte kóp. Bul ómirge ne úshin keldi? Jaman ispen aınalysý úshin emes, buryn jasaǵan jaman, qıanaty isterine jaýap berý úshin keldi. Biraq, mundaı karmalyq adamdar ózderiniń karmasyn tazalaýdyń ornyna, odan saıyn ýshyqtyryp alady. Bireýlerdiń kómek retinde jibergen sondaı qomaqty aqshasyn alyp, bylaı da bylaı qydyrǵan. Bul jerde ne sebep? Birinshiden, 5 kúni týylǵan. Bul kúni týylǵan adamdar aqshany, baılyqty óte qatty jaqsy kóredi. Aqsha úshin bárine barady. Biraq, ol adamdar rýhanı jaǵynan damymaı, aqshaǵa baspen ketetin bolsa, eshkimge jany ashymaı, aqshany jaman jolmen taýyp, ózderiniń karmalaryn ýshyqtyra beredi. Odan keıin logıkasynda eki bestigi bar. Ondaı adamdar aqyldy, aqshany qalaı tabýdy biledi, ash qalmaıdy.
Perızat túrmeden shyqqannyń ózinde de ol aqsha tabýdyń jolyn biledi. Sanynda eki, úsh bestigi bar adamdar kez kelgen tesikten aqsha jasaýdy biledi. Onyń karmalyq sandarynda ótken ómirinde óziniń tegine, halqyna satqyndyq jasaǵany kórinip tur. Ol ótken ómirinde jasaǵan kúnálaryn bul ómirde jasamaý kerek edi. Biraq ol qaıtadan qaıtalady. Aýyryp jatqan balalardyń, sý tasqynynan dalada qalǵan adamdardyń aqshasyn jegen. Adam qıanat jasaǵan kezde ol satqyndyq retinde esepteledi. Ol barlyq jerden paıda kóretin adam. Esh jerde eshteńeni tegin jasamaıdy. Zıandy zattarǵa táýeldiligi de bolý múmkin. Temeki shegetin shyǵar nemese alkogóldi jıi ishken shyǵar. Burynǵy ómirde ol onsyz da túrmede otyryp shyqqan. Osy ómirde qaıtadan sol qatelikterdi qaıtalap jatyr. Onyń taldaýynda -1 shyǵyp tur. Ol — ıntrıga, aldaý, ósek, isti bolý. Sebebi, halyqtyń aqshasyn jegen adam báribir alysqa barmaıdy», — deıdi ol.
Sondaı-aq, ol Perızattyń jeke ómirinde de negatıvti jaǵdaılar kóp bolǵanyn aıtty.
«Perızattyń tapsyrmasynda ol adamdarǵa kómektesý turdy. Ol shynymen de adamdarǵa kómektesip, óziniń jaqsy atyn shyǵardy da, ózi de paıdasyn kórip aldy. Sebebi, Perızatta paıda kórý kody kóp. Paıda joq jerde júrmeıdi. 224 degen san da shyǵyp tur. Ol qandaı san? Ondaı adamdarǵa senýge bolmaıdy. Kez kelgen ýaqytta «laqtyryp» kete alady. Perızattyń til baılyǵy óte keremet. Sonymen qatar, Perızatta urpaqtan urpaqqa beriletin karma da bar. Sandarynda 8 joq. Eger, 8 bolsa, bireýdiń bir tıynyna da tıispeıtin edi. Al, 8 joqtar, men men dep qalǵandar. 7 sany bolǵannan keıin adamdar oǵan senedi, jaqsy kóredi. Adamdarǵa tez unap qalady. Eń úlken qatelikteriniń biri — ıllúzıamen ómir súrmeý kerek edi. Jeke ómirinde de negatıvti oqıǵalar kóp bolǵan. Ol qyzdyń júrgen jigitteri tastap ketken, kózine shóp salǵan, paıdalanyp ketken jaǵdaılar kóp bolǵan» , — deıdi psıholog.
