Almaty oblysynda týrısik aımaqtardyń ınfraqurylymyn jaqsartý, qaýipsizdigin qamtamasyz etý jáne sıfrlandyrý boıynsha jumystar qarqyndy júrgizilýde, dep habarlaıdy bairaqmedia.kz

Óńirdegi týrızmdi damytý boıynsha atqarylyp jatqan jumystardy oblys ákimi Marat Sultanǵazıev jipke tizdi. Onyń aıtynsha, ótken jyly Qonaev qalasynda jalpy aýmaǵy 2,7 gektardy quraıtyn №5 qalalyq jaǵajaı paıdalanýǵa berilgen. Jaǵajaı aýmaǵynda oıyn jáne sport alańdary, jaryqtandyrý, sýmen jabdyqtaý júıeleri ornatylyp, dárethanalar, pırster jáne servıstik nysandar iske qosylǵan. Budan ózge de atqarylǵan jumystar jeterlik.

«Kólsaı kólderi» ulttyq parki men Tańbaly Tas shatqalynda negizgi týrısik oryndar abattandyryldy. Atap aıtqanda, pırster, kúrkeler, fotozonalar, jaryqtandyrý jáne kempıng alańdary ornatyldy. 2025 jyly baspaldaqtar, aqparattyq taqtalar, qalqyma belgiler men basqa da jumsaq ınfraqurylym elementterin ornatý josparlanýda, - dedi Almaty oblysynyń ákimi Marat Sultanǵazıev.

Óńir basshysynyń aıtýynsha, ınfraqurylymdyq jobalar da qatar júzege asyrylyp jatyr eken. Máselen,«Oi-Qaragai» kýrortyna gaz júrgizý jobasy maquldanǵan. Bul úshin jergilikti búdjetten 325,7 mln teńge bólingen. Qurylysty aıaqtaý 2025 jyldyń sońyna josparlanǵan. Sonymen qatar, «Oi-Qaragai», «Aqtas», «Taý Turan» jáne ózge de nysandardy syrtqy elektr qýatymen jabdyqtaý jobasy ázirlenip jatyr deıdi Marat Sultanǵazıev.

Qaýipsizdikti qamtamasyz etý maqsatynda onlaın tólem júıesi engizildi, beınebaqylaý kameralary jáne avtomattandyrylǵan kireberis beketter ornatyldy. ALMATYREGION.TRAVEL mobıldi qosymshasy úsh tilde iske qosyldy. Sıfrlandyrý aıasynda «Kazakh Tourism» ulttyq kompanıasymen birlesip Your Tourist Pass vırtýaldy kartasy iske qosyldy. Bul karta týrıserge qajetti barlyq servısterge qoljetimdilik beredi, - dedi óńir basshysy.

«eQonaq» shetel azamattaryn tirkeý aqparattyq júıesiniń derekterine sáıkes, 2025 jyldyń 1 shildesine deıin óńirge 80,8 myń sheteldik týrıs kelgen.