Tanymal aıtysker aqyn, marqum Orazaly Dosbosynov pen ánshi Ajar Túzelbekqyzynyń uly Nursultan áke atandy, dep jazady sportinside.kz.

Orazaly Dosbosynovtyń esimimen ashylǵan Instagram jelisindegi paraqshasynda taraǵan aqparatqa sáıkes aıtysker aqynnyń uly áke atandy.

"Oraz aǵamyzdyń nemeresiniń baýy berik bolsyn, úlken azamat bolsyn!", – delingen osy paraqsha jarıalaǵan jazbada.

Jeli qoldanýshylary sábıdiń ómirge kelýin qýanyshpen qarsy alyp, aqjarma tilekterin jaýdyrdy:

"Týmanyń baýy berik, ǵumyrly bolsyn! Atasyndaı oraq tildi aqyn bolsyn!", "Baýy berik bolsyn! Atasy sıaqty alpaýyt aqyn bolsyn", "Adam urpaǵymen myń jasaıdy. Atasynyń atyn shyǵaratyn myqty azamat bolsyn!", "Atasy men apasy kórmeı ketti, átteń bir kem dúnıe...", "Qutty bolsyn, artynan qudaıǵa shúkir, izi qalatyn boldy jalǵasyp, baýy berik bolsyn, atasy sıaqty aıtysker bolǵaı", "Orazalynyń balalary da ósken eken. Qýanyshtymyz. Ómirli, baqytty bolsyn. Elge eleýli, halyqqa qalaýly azamat bolsyn!",- dep jazyp jatyr jeli qoldanýshylary.