Қазақстандық паражүзуші Әли Тұрғанбеков Жапонияда өтіп жатқан V Азия Пара ойындарында күміс медаль жеңіп алды, деп хабарлайды Bairaqmedia.kz.
Қазақстан құрамасының спортшысы 100 метрге брасс әдісімен жүзу сайысында сәтті өнер көрсетіп, мәреге екінші болып жетті. Әли Тұрғанбеков аталған қашықтықты 1 минут 44,26 секундта жүзіп өтіп, күміс жүлдеге ие болды.
Бұл нәтиже Қазақстан құрамасының Азия Пара ойындарындағы медаль қоржынын тағы бір жүлдемен толықтырды.
Айта кетейік, V Азия Пара ойындары Жапонияның Айти префектурасы мен Нагоя қаласында 18–24 қазан аралығында өтіп жатыр. Байрақты бәсекеде қазақстандық спортшылар спорттың бірнеше түрінен ел намысын қорғауда.
