WBO және IBF тұжырымдары бойынша орта салмақтағы әлем чемпионы Жәнібек Әлімханұлы аты аңызға айналған мексикалық боксшы Сауль Канело Альваресті жекпе-жекке шақырды, - деп хабарлайды Bairaqmedia.kz.
Әлімханұлы өзінің Х-тегі парақшасында атақты мексикалық спортшы Сауль Альвареске өз санатында жекпе-жек өткізуді ұсынған.
«Менімен күш сынасуға «Канелоның» ғана батылы жететін сияқты. «Канело», ақпанда жұдырықтасайық. Менің дивизионымдағы чемпиондар жекпе-жекке шығуға қорқады. Әлемге жақсы боксты көрсетейікші», деп жазды Әлімханұлы.
