Қазақстандық теннисші Елена Рыбакина (WTA рейтингінде 2-орын) АҚШ-тың Цинциннати қаласында өтіп жатқан WTA 1000 санатындағы турнирде үшінші жеңісіне қол жеткізді, деп хабарлайды Bairaqmedia.kz.
1/8 финалда Рыбакина ресейлік Диана Шнайдермен (WTA рейтингінде 14-орын) кездесіп, қарсыласын екі сетте 6:4, 6:4 есебімен жеңді. Осылайша қазақстандық теннисші турнирдің ширек финалына жолдама алды.
Айта кетейік, бұған дейін Елена Рыбакина Cincinnati Open 2026 турнирінде америкалық Тейлор Таунсендті (94-орын) және польшалық Магдалена Френхті (41-орын) жеңген болатын.
Биыл турнирдің жалпы жүлде қоры 7 433 076 долларды құрайды. Жарыс жеңімпазы 1 086 220 доллар сыйақы алып, WTA рейтингінде 1000 ұпайға ие болады.
