Болат Ақшолақов Атырау облысының әкімі лауазымына тағайындалды, деп хабарлайды Ақорда.
"Мемлекет басшысының Жарлығымен Болат Оралұлы Ақшолақов Атырау облысының әкімі лауазымына тағайындалды", - делінген хабарламада.
Болат Ақшолақовтың өмірбаяны
Болат Оралұлы Ақшолақов 1971 жылғы 9 сәуірде Атырау қаласында дүниеге келген.
Қазақ мемлекеттік басқару академиясының есеп және экономикалық кибернетика факультетін, сондай-ақ мұнай-газ өнеркәсібі бойынша білім беру орталығын тәмамдаған. Мамандануы – «Жер қойнауын пайдалану келісімшарттарын бағалау» және «Мұнай өндіру экономикасы».
Еңбек жолын 1994 жылы Alem Bank Kazakhstan банкінде экономист, кейін бас экономист болып бастаған.
1995–1997 жылдары – Орталық Азия ынтымақтастық және даму банкінде бөлім бастығы, департамент директоры.
1997–2001 жылдары – «Қазақойл» Ұлттық мұнай-газ компаниясы» ЖАҚ-да аға сарапшы, менеджер, бас менеджер, департамент директорының орынбасары.
2001–2003 жылдары – Commonwealth and British Services Ltd компаниясында бизнес-талдаушы, менеджер, қаржы директоры.
2003–2006 жылдары – «ҚазМұнайГаз» Ұлттық компаниясы» ЖАҚ-да бірлескен кәсіпорындардағы үлестерді басқару жөніндегі атқарушы директор.
2006–2008 жылдары – Қазақстан Республикасы Энергетика және минералдық ресурстар вице-министрі.
2009–2010 жылдары – «Самұрық-Қазына» ұлттық әл-ауқат қоры» АҚ-да электр энергетикасы және мұнай-газ активтерін басқару мәселелері жөніндегі басқарушы директор.
2010–2011 жылдары – «PSA» ЖШС-нің бас директоры.
2011 жылы – «ҚазМұнайГаз» ұлттық компаниясы» АҚ президенті болып тағайындалды.
2012–2014 жылдары – Қазақстан Республикасы Мұнай және газ вице-министрі.
2014–2017 жылдары – Almex Petrochemical ЖШС-нің бас директоры.
2016–2017 жылдары – «Kazenergy» мұнай-газ және энергетика кешені ұйымдарының қазақстандық қауымдастығы заңды тұлғалар бірлестігінің бас директоры.
2017–2019 жылдары – Қазақстан Республикасы Энергетика вице-министрі.
2019–2021 жылдары – Kazenergy қауымдастығының бас директоры.
2019–2021 жылдары – Almex Petrochemical ЖШС-нің бас директоры.
2021 жылғы сәуірден 2022 жылғы қаңтарға дейін – «Самұрық-Қазына» АҚ-ның активтерді басқару жөніндегі басқарушы директоры.
2022 жылғы 11 қаңтардан 2023 жылғы 4 сәуірге дейін – Қазақстан Республикасының Энергетика министрі.
2023 жылғы 4 сәуірден 2025 жылғы 13 ақпанға дейін – Қазақстан Республикасы Президентінің кеңесшісі.
2025 жылғы 14 ақпаннан бастап – Kazenergy қауымдастығының төрағасы қызметін атқарды.
